| ИСО 9001:2008 стандартини жорий этиш |
|
МЧЖ шаклидаги «Uzvneshtrans» ҚК 2012 йил январдан бошлаб ИСО 9001:2008 стандарти бўйича Сифатни бошқариш тизимини корхонада жорий этишга киришди. ИСО 9001 ташкилотнинг сифат менежменти тизими (СМТ)га қўйиладиган талабларни белгиловчи халқаро стандарт ҳисобланади. Корхона СМТни ўзида жорий этиш орқали: - энг муҳим бизнес-жараёнларни узлуксиз назорат қилиш; - ишончлиликни кафолатлаш – бозорда жалб қилувчанлик даражасини ошириш; - экспорт имкониятларини кенгайтириш; - ички ва ташқи бозорларда рақобатбардошликка эришиш; - хизматларни жаҳон нархларида сотиш; - тендер савдоларида иштирок этиш жараёнида рақиблар олдида устунликка эга бўлиш; - инвесторларни жалб қилиш; - ноишлаб чиқариш харажатларини камайтириш; - хизматлар сифатини ошириш имкониятларига эга бўлади. Бугунги кунда жаҳон талаблари ва стандартларига мос келиш логистика компаниялари учун энг муҳим шартлардан бирига айланди, зеро «эшикдан – эшиккача» принципига мувофиқ ишлаш логистлар жаҳон майдонига чиқишини назарда тутади. Жаҳон бозорида эса кўрсатилаётган хизматлар сифатига юксак талаблар қўйилади. Мухассислар ИСО стандартига мувофиқ сертификатланган Европа компаниялари билан ишлаш анча енгил эканлигини, товар етказиб берувчи ёки хизмат кўрсатувчини ҳар сафар текшириш талаб этилмаслигини, буни сертификатловчи компания бажаришини, у корхонанинг ишончлилик даражасини ва у таклиф қилаётган товар ёки хизмат сифатли ёки сифатсиз эканлигини текшириб, натижаларни тегишли ҳужжатда кўрсатишини қайд этадилар. Сертификатлашга тайёргарлик Европа Иттифоқи томонидан ишлаб чиқилган ва «Ташувлар ва логистика секторида ISO стардартларини ва сифатни бошқариш тизимини жорий этиш учун шарт-шароит яратиш» деган ном остида мавжуд бўлган “Марказий Осиёда инвестициялар» таълим дастури доирасида олиб борилади. Мазкур лойиҳани Ўзбекистон Республикаси Савдо-саноат палатаси Германия халқаро ҳамкорлик жамияти (GIZ) ва «Бизнес логистикани ривожлантириш уюшмаси» МЧЖ билан ҳамкорликда амалга оширмоқда. «Uzvneshtrans» компанияси сертификатни 2012 йил май ойининг бошида олишни мўлжаллаган. ISO 9001 стандартини жорий этиш мижозларнинг эҳтиёжларини қондириш учун имконият яратадиган, мижозга йўналтирилган самарали менежмент тизимини яратишга кўмаклашади, бу эса, ўз навбатида, компанияга мунтазам равишда даромад олиш имконини беради.
|
